ՖԻՖԱ-ն կպարզի, թե ինչպես է թուրք խոհարարն ԱԱ-ի եզրափակչից հետո հայտնվել խաղադաշտում

ՖԻՖԱ-ն հետաքննություն է սկսել, պարզելու, թե ինչպես է Salt Bae անունով հայտնի թուրք խոհարար Նուսրեթ Գյոքչեն Աշխարհի առաջնության եզրափակչից հետո հայտնվել խաղադաշտում:

«ՖԻՖԱ-ն փորձում է հասկանալ, թե ինչպես են առանձին մարդիկ ստացել հավատարմագրում եւ թույլտվություն դեկտեմբերի 18-ին «Լուսիալ» ստադիոնում գտնվելու խաղադաշտում: Համապատասխան միջոցներ են ձեռնարկվելու»,- այս մասին The Telegraph-ին հայտնել է ՖԻՖԱ-ի ներկայացուցիչը:

Գյոքչեն Արգենտինա-Ֆրանսիա խաղից հետո խաղադաշտում արգենտինացիների հետ տոնել է հաղթանակը եւ ձեռք տվել Աշխարհի Գավաթին:

Ըստ ՖԻՖԱ-ի կանոնակարգի՝ Գավաթն իրենց ձեռքերում պահելու իրավունք ունեն միայն Աշխարհի չեմպիոնները, ինչպես նաեւ երկրների ղեկավարներն ու ՖԻՖԱ-ի նախագահը: Մինչդեռ այդ օրն արգենտինացիների ընտանիքի համարյա բոլոր անդամներն ու հնարավոր մարդիկ բռնել են Գավաթը:

ՖԻՖԱ-ի ու Գյոքչեի միջեւ պաշտոնական գործընկերային հարաբերություններ չկան, սակայն սոցկայքերում տեսանյութ է հայտնվել, որում կառույցի նախագահ Ջաննի Ինֆանտինիոն գովում է նրա ռեստորանը: ԶԼՄ-ի աղբյուրը հայտնել է նաեւ, որ խոհարարը թույլտվություն ՖԻՖԱ-ի նախագահից չի ստացել: