կարևոր
2815 դիտում, 1 տարի առաջ - 2022-12-20 14:42
Քաղաքական

ԱԱԾ արտաքին հետախուզության դեպարտամենտը շարունակելու է գործել ևս 3 տարի, որից հետո դադարեցնելու է գործունեությունը. ԱԽ քարտուղար

ԱԱԾ արտաքին հետախուզության դեպարտամենտը շարունակելու է գործել ևս 3 տարի, որից հետո դադարեցնելու է գործունեությունը. ԱԽ քարտուղար

Արտաքին հետախուզության ծառայության ստեղծման գործընթացի ժամանակահատվածում Ազգային անվտանգության ծառայության համապատասխան դեպարտամենտը գործելու է ևս 3 տարի, իսկ Պաշտպանության նախարարության արտաքին հետախուզության ստորաբաժանումը շարունակելու է իր աշխատանքը: Ազգային ժողովի նիստի ժամանակ այս մասին ասաց Անվտանգության խորհրդի քարտուղար Արմեն Գրիգորյանը:

«Կարճ ժամանակով Արտաքին հետախուզության ծառայության և ԱԱԾ-ի համապատասխան դեպարտամենտի գործառույթների դուբլիկացիա կլինի, բայց, հաշվի առնելով քաղաքական իրավիճակը, այդպիսի որոշում ենք կայացրել: ԱԱԾ-ի համապատասխան դեպարտամենտը շարունակելու է աշխատել ևս 3 տարի, որից հետո դադարելու է այդ դեպարտամենտի գործունեությունը և ամբողջությամբ այդ գործառույթն անցնելու է Արտաքին հետախուզության ծառայությանը»,- ասաց Գրիգորյանը:

Իսկ ինչ վերաբերվում է Պաշտպանության նախարարության արտաքին հետազության ծառայությանը, ապա Գրիգորյանը նշեց, որ Արտաքին հետախուզության ծառայությունը և ՊՆ-ի համապատասխան ծառայությունը իրար կարող են փոխլրացնել, բայց Արտաքին հետախուզության ծառայությունը իր վրա ռազմական գործառույթ չի վերցնի: