ՀԱՊԿ-ը չի պատրաստվում երես թեքել Հայաստանից․ Զաս

Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասն այսօր ասել է, որ կազմակերպությունը «չի պատրաստվում դուրս գալ կամ երես թեքել Հայաստանից»:

«Համաձայն չեմ այն մտքի հետ, թե ՀԱՊԿ-ը փորձում է երես թեքել Հայաստանի խնդիրներից: Հայաստան դիտորդական առաքելություն ուղարկելու վերաբերյալ ՀԱՊԿ առաջարկները մնում են ուժի մեջ: Եթե Հայաստանն անհրաժեշտ համարի որոշում կայացնել կամ միջոցառումների ամբողջ փաթեթի կամ առանձին կետերի, այդ թվում՝ առաքելություն ուղարկելու վերաբերյալ, դա կարելի է իրականացնել, ընդ որում` բավական օպերատիվ»,- ասել է Ստանիսլավ Զասը:

Նա նշել է, որ առաջարկում ներկայացված է ՀԱՊԿ առաքելության մանդատը՝ կազմը, ժամկետները, խնդիրները։