կարևոր
2617 դիտում, 1 տարի առաջ - 2022-12-19 11:54
Աշխարհ

Մեծ Բրիտանիան 2023 թ.-ին Ուկրաինային 250 միլիոն ֆունտ ստեռլինգի արկեր կմատակարարի

Մեծ Բրիտանիան 2023 թ.-ին Ուկրաինային 250 միլիոն ֆունտ ստեռլինգի արկեր կմատակարարի

Մեծ Բրիտանիայի վարչապետ Ռիշի Սունակն այսօր Հյուսիսային Եվրոպայի և Բալթյան երկրների ղեկավարների հետ հանդիպման ժամանակ մտադիր է հայտարարել Ուկրաինային ռազմական օգնության նոր խոշոր փաթեթ մատակարարելու մասին: 

Ըստ Բրիտանիայի վարչապետի գրասենյակի հրապարակած հաղորդագրության՝ Սունակը կհայտարարի, որ հաջորդ տարվա ընթացքում Մեծ Բրիտանիան հարյուր հազարավոր հրետանային արկեր կմատակարարի Կիևին 250 միլիոն ֆունտ ստեռլինգի (304 միլիոն դոլար) պայմանագրի շրջանակներում: Բրիտանիայի վարչապետը Լատվիայում կհանդիպի ,Միավորված էքսպեդիցիոն ուժերիե  երկրների ղեկավարների հետ:

Այդ երկրների ցանկում են Դանիան, Ֆինլանդիան, Էստոնիան, Իսլանդիան, Լատվիան, Լիտվան և Նիդերլանդները: Երկրների ղեկավարների հանդիպման ժամանակ տեսաուղերձով հանդես կգա նաև Ուկրաինայի նախագահ Վլադիմիր Զելենսկին: Սունակն այնուհետև կմեկնի Էստոնիա, որտեղ կհանդիպի Մեծ Բրիտանիայի և ՆԱՏՕ-ի զորքերի հետ։