Մեծ Բրիտանիան Ռուսաստանի դեմ պատժամիջոցներ է սահմանել տնտեսության մի քանի ոլորտներում

Մեծ Բրիտանիան Ռուսաստանի դեմ պատժամիջոցներ է սահմանում ՏՏ-խորհրդատվության, ճարտարապետական, ինժեներական, գովազդային, իրավաբանական եւ աուդիտորական ծառայությունների ոլորտներում, ասված է բրիտանական կառավարության կայքում հրապարակված հայտարարության մեջ:

«Մեծ Բրիտանիան միջազգային գործընկերների հետ միջոցներ է ձեռնարկում ռուսական տնտեսության առանցքային հատվածների դեմ։ Նոր միջոցները կուժեղացնեն տնտեսական ճնշումը ռուսական ռեժիմի վրա եւ ուղղված կլինեն խոցելի վայրերի եւ մատակարարումների կարեւորագույն շղթաների խախտմանը: Ռուսաստանն իր ծառայությունների 67% - ը ներմուծում է այն երկրներից, որոնք պատժամիջոցներ են սահմանում։ Ընդարձակելով նախորդ միջոցները՝ Մեծ Բրիտանիան կխոչընդոտի Ռուսաստանի մուտքը ՏՏ-տեխնոլոգիաների, ճարտարապետական, ինժեներական, գովազդային, իրավաբանական եւ աուդիտորական ծառայությունների ոլորտում խորհրդատվական ծառայությունների», - ասված է այնտեղ: