Ես որեւէ պաշտոնի չեմ հավակնում. Լեւոն Քոչարյան

Հանրությունը պետք է իմանա իշխանության տարբեր կառույցների դիրքորոշումը՝ կապված Արցախի կարգավիճակի հետ․ ասաց Լևոն Քոչարյանը կառավարական 3-րդ մասնաշենքի մոտ  շարունակվող ակցիայի ժամանակ՝ հավելելով, որ  նախարարները պետք է հստակ արտահայտվեն՝ համաձա՞յն են ընդդիմության առաջարկած փաստաթղթին՝ Արցախի հայկական մնալու և մեր պետականությունը պահպանելու բոլոր սկզբունքներին ու պահանջներին:

«Ոստիկանության դիմադրության ետևում նախարարների թաքնվելը փաստացի նշանակում է, մեծ հաշվով, կիսել խելագարի տեսակետը։ Եթե համաձայն չեն, թող թղթի վրա իրենց տեսակետը հայտնեն, խուսափելու տարբերակ չկա: Այս շարժման նպատակը Հայստանի ու Արցախի դեմ կործանարար փաստաթղթերի ստորագրումը կանխելն է, ուստի այս օրերին կտրուկ գործողություները պետք է ունենան իրենց տրամաբանական շարունակությունը։ Մենք արկածախնդրության չենք գնում, կա  հստակ նպատակ, հստակ քայլերով գնում ենք առաջ»,- ասաց նա:

Մանրամասն՝ տեսանյութում։