Ես ձեր ընկերը չեմ, հարսնացուն չեմ, փեսացուն չեմ. Պուտինը՝ Արևմուտքին. տեսանյութ

Արդեն հայտնել ենք, որ ՌԴ  նախագահ Վլադիմիր Պուտինը գերմանական Bild թերթին հարցազրույց է տվել, որում խոսել է Արևմուտքի հետ հարաբերությունների մասին:

Լրագրողը Պուտինին ասել է, որ կա տեսակետ, թե գոյություն ունի երկու Պուտին՝ մինչ 2007 թվականը, երբ նա երիտասարդ էր և պատրաստ լավ հարաբերությունների ԱՄՆ-ի հետ, Գերմանիայի նախկին կանցլեր Շրյոդերի ընկերն էր, և 2007 թվականից հետո:

Պուտինը պատասխանել է հետևյալը. «Պետությունների միջև հարաբերությունները փոքր-ինչ այլ կերպ են կառուցվում, քան մարդկանց: Ես ձեջ ընկերը չեմ, հարսնացուն չեմ, փեսացուն չեմ, ես Ռուսաստանի Դաշնության նախագահ եմ: 146 միլիոնանոց ժողովուրդ՝ նրանք իրենց շահերն ունեն, որոնք ես պետք է պաշտպանեմ»: