Թուրքիայում քննարկում են Հունաստանի հարձակումը երկրի վրա

Թուրքական լրատվամիջոցներն ակտիվորեն քննարկում են Թուրքիայի վրա Հունաստանի հարձակման հնարավորությունը. հայտնում են հունական լրատվամիջոցները։

Հրապարակվում են մեկնաբանություններ և վերլուծություններ, որոնք իբր ապացուցում են, թե Հունաստանը հարձակում է ծրագրում Թուրքիայի վրա։ Այս անգամ ուշադրության կենտրոնում Ստամբուլն է, և թե որքան անպաշտպան է այն՝ ըստ CNN Türk-ի ռազմական վերլուծաբան Էրդողան Քարաքուշի։

«Հունաստանը ներկայումս պատրաստվում է Թուրքիայի հետ պատերազմի… Ռազմավարական հետազոտությունների կենտրոնը, որն ուսումնասիրել է երկու կողմերի կրակային հզորությունը, բացահայտել է հետևյալը՝ Հունաստանի և Թուրքիայի միջև պատերազմը կտևի երեք օր, բայց այդ երկու-երեք օրը յուրաքանչյուր կողմի համար կարող է արժենալ օրական 1 միլիարդ դոլար ծախս»,- ասել է նա։

Քարաքուշը բոլորին մեղադրել է Ստամբուլը պաշտպանող հակաօդային պաշտպանության բացակայության համար։ «Այսօր ի՞նչ կա (ՀՕՊ-ից), այսօր ոչինչ չկա: Ստամբուլը, որը մենք պաշտպանել ենք 1960-ականներից մինչև 1990-ական թվականները հրթիռներով, այսօր պաշտպանված չէ»,- հավելել է նա: