Թուրք ժողովուրդը դեմ է Ֆինլանդիայի և Շվեդիայի անդամակցությանը ՆԱՏՕ-ին և խնդրում է արգելափակել որոշումը. Չավուշօղլու

Թուրք ժողովուրդը դեմ է Ֆինլանդիայի և Շվեդիայի անդամակցությանը ՆԱՏՕ-ին և խնդրում է իր երկրի ղեկավարությանը՝ արգելափակել այդ գործընթացը։ Այս մասին շաբաթ օրը հայտարարել է հանրապետության արտաքին գործերի նախարար Մևլութ Չավուշօղլուն Բեռլինում ՆԱՏՕ-ի անդամ երկրների արտաքին հարաբերությունների գերատեսչությունների ղեկավարների ոչ պաշտոնական հանդիպման նախօրեին։

«Թուրքիան ի սկզբանե աջակցել է ՆԱՏՕ-ի բաց դռների քաղաքականությանը։ Նույնիսկ երբ դաշինքի որոշ անդամներ դեմ էին մեր տարածաշրջանի և արևմտյան Բալկանների որոշ պետությունների՝ ՆԱՏՕ մտնելուն, մենք սատարում էինք դրան։ ՆԱՏՕ-ն միություն կամ միջազգային կազմակերպություն չէ, դա դաշինք է, որը ոչ միայն անվտանգության, այլեւ համերաշխության մասին է։ Այս երկու երկրները (Ֆինլանդիան և Շվեդիան) բացահայտորեն աջակցում և շփվում են PKK-ի և YPG-ի հետ («Ժողովրդական պաշտպանության ուժեր» Սիրիայում. Թուրքիան նրանց համարում է PKK-ի սիրիական ճյուղը), որոնք ահաբեկչական կազմակերպություններ են, որոնք ամեն օր հարձակվում են մեր զինվորների վրա։ Միայն երեկ մենք մեկ զինվոր կորցրինք»,- ասել է արտգործնախարարը Բեռլինում Հյուսիսատլանտյան դաշինքի երկրների արտգործնախարարների ոչ պաշտոնական հանդիպման նախօրեին։