Թրամփը ԱՄՆ նախագահ եղած ժամանակ առաջարկել էր հրթիռակոծել Մեքսիկան

Թրամփը ԱՄՆ նախագահ եղած ժամանակ առաջարկել է հրթիռային հարձակում իրականացնել Մեքսիկայի վրա. գրում է The New York Times-ը՝ հայտնելով, որ այս մասին Պենտագոնի նախկին ղեկավար Մարկ Էսփերը պատմել է իր հուշերում։

Պենտագոնի նախկին ղեկավարը պնդել է, որ Թրամփը դժգոհ էր թմրանյութերի ներհոսքից սահմանով և հայտարարել էր, որ Մեքսիկայի իշխանությունները, իբր, չեն վերահսկում իրենց պետությունը։ Ուստի 2020 թվականին Թրամփը երկու անգամ առաջարկել է հրթիռներով հարվածել Մեքսիկայի թմրանյութերի լաբորատորիաներին։

«Մենք պարզապես մի քանի հրթիռ կարձակենք, ոչ ոք չի իմանա, որ դա մենք ենք», - Թրամփի խոսքերն է մեջբերում Էսփերը: