Թուրքիային անհանգստացնում է քուրդ աշխարհազորայիններին ԱՄՆ-ի կողմից զենքի մատակարարումը

Թուրքիան շարունակում է անհանգստանալ ԱՄՆ-ի գործողություններով, որը զենք է մատակարարում Սիրիայում և Իրաքում գործող քրդական կազմավորումներին։ Այս մասին հայտարարել է հանրապետության նախագահ Թայիփ Էրդողանը ինքնաթիռում գտնվող թուրք լրագրողներին անցյալ շաբաթվա վերջին Սաուդյան Արաբիայից վերադառնալուց հետո։

«Աշխարհի ամենահզոր երկրներից մեկն իր ամբողջ կայսերական հնարավորություններն օգտագործեց Սիրիայում և Իրաքում իր նպատակներին հասնելու համար, Եվրոպայից մեկ-երկու երկրների հետ զենքով բեռնատարներ ուղարկեցին, ո՞ւմ տվեցին: Ահաբեկչական կազմակերպություններին այս երկրներում: Նրանք մեզ լրջորեն անհանգստացնում են այս ահաբեկչական կազմակերպություններով և շարունակում են անհանգստացնել: Մենք երախտապարտ չենք լինի նրանց դրա համար», - շաբաթ օրը Էրդողանի խոսքերը մեջբերել է Yeni Şafak-ը:

Անկարան դեմ է Վաշինգտոնի համագործակցությանը Ժողովրդական ինքնապաշտպանության ուժերի (YPG) քրդական ստորաբաժանումների հետ, քանի որ դրանք համարում է Թուրքիայում արգելված Քուրդիսատանի աշխատավորական կուսակցության սիրիական ճյուղը։ Թեև Միացյալ Նահանգները ճանաչում է այն որպես ահաբեկչական կազմակերպություն, պնդում է, որ հենց քրդերի հետ համատեղ աշխատանքն է թույլ տվել հաջողությամբ պայքարել «Իսլամական պետություն» ծայրահեղական խմբավորման դեմ: