«Ազատություն» ՌԿ-ի գործընկերներ, ինչպես է ստացվում, որ դուք երեկվա ողբերգական ակնհայտ հանցանքի մասով չափազանց պասիվ եք․ Վարդևանյան

«Ազատություն»ՌԿ-ի գործընկերներ,

Հրապարակավ դիմում եմ ձեզ. ինչպես է ստացվում, որ Դուք երեկվա ողբերգական ակնհայտ հանցանքի մասով չափազանց պասիվ եք:

Դուք ամեն հնարավոր առիթով «Պապլավոկի» ողբերգական դեպքը ներկայացնելուց հիշատակում եք ՀՀ երկրորդ նախագահի անունը: Ինչո՞ւ չեք գրում, որ Նիկոլ Փաշինյանը, անձամբ տեսնելով հանցանքը, վտանգի մեջ է թողել (քր. օր. 128) Սոնա Մնացականյանին: Ինչո՞ւ չեք գրում, որ այն մարդը, ով ասում էր ժողովրդին, որ կարմիր լույսի տակ կանգնում է ու կանգնելու է, ԽԵԼԱԳԱՐ արագությամբ է երթևեկում ու, ՀՂԻ կնոջը հանցավոր վրաերթի ենթարկելով, թքած ունենալով հասարակական կարգի վրա, շարունակում է երթևեկությունը: Գրեք, լուսաբանեք, երեսպաշտությունը բացառեք:

 Արամ Վարդևանյան

«Հայաստան» խմբակցության պատգամավոր