ՏԵՍԱՆՅՈՒԹ. Մարդն ունի ազատություն` իր գաղափարը հայտնելու համար, եթե ոստիկանությունը ուժի ձևով վարվի այլևս ազատություն չի մնա. Կարոլ Արիսսիան

Ամեն Մարդ ունի ազատություն` իր գաղափարը հայտնելու համար, և եթե ոստիկանությունը ուժի ձևով վարվի այլևս ազատություն չի մնա` Yerkir.am-ի հետ զրույցում ասաց ՀՅԴ Բելգիայի երիտասարդական միության անդամ Կարոլ Արիսսիանը՝ անդրադառնալով ԿԳՄՍ նախարարության շենքի մոտ ՀՅԴ ՀԵՄ անդամների հանդեպ  ոստիկանության կիրառած անհամաչափ ուժին:

Կարոլ Արիսսիանը մատնանշեց, որ աջակից են ՀՅԴ ՀԵՄ անդամների բոլոր որոշումներին՝ այդ թվում «Բարձրագույն կրթության և գիտության մասին» օրինագծի շուրջ ծավալված հարցադրումներին ու ներկայացվող պահանջին:

Նա արդեն երեք տարի է ՀՅԴ Բելգիայի երիտասարդական միության անդամ է և Երևան՝ խորհրդաժողովի է եկել՝ ներկայացնելու իրենց միության գործունեությունը։

Կարոլ Արիսսիանը նշեց, որ թեպետ իրենք Բելգիայում են գործունեություն ծավալում, բայց  կապը միշտ պահվում է ՀՅԴ ՀԵՄ-ի հետ. «Մենք կիսվում ենք մեր որոշումներով և լսում իրենց կարծիքը: Այսօր խմբում դաստիարակչական թեմա քննարկեցինք՝ ինչպես պետք է լինի ՀՅԴ երիտասարդը»,- ասաց նա:

Հիշեցնենք, որ 18 երկրներից Հայաստան են ժամանել ՀՅԴ երիտասարադական միության 55 անդամներ մասնակցելու խորհրդաժողովին, որտեղ քննարկվում են միությունների ռազմավարական, դաստիարակչական, կազմակերպչական, քարոզչական, արտաքին հարաբերական եւ այլ ոլորտների աշխատանքների նախագծերը:

Նարա Մարտիրոսյան

Մանրամասները՝  տեսանյութում