Այսօր ունենք մեծաքանակ սերմնացուի դեֆիցիտ, չկա գարնանացան գարու, ցորենի սերմ․ գյուղատնտես

Գյուղատնտեսության ոլորտում առկա ռիսկերի մասին խոսելով`  գյուղատնտես Հարություն Մնացականյանը «Հայկական օրակարգ. տնտեսական ռիսկեր. կյանքի դժվարացում» թեմայով քննարկման ժամանակ նշեց. «Հայաստանի  գյուղատնտեսությունը, լինելով շատ խոցելի և զգայուն ոլորտ,  պահանջում է խնդիրների  անհետաձգելի շտապ լուծումներ, ինչը Հայաստանում վերջին տարիներին  չի կատարվում։

Երկրում 200 հազար տոննայից ավելի  ներմուծվում է անասնակեր, որի գները, Լարսի փակվելու հետ կապված  և ներկա իրավիճակով պայմանավորված, տնտեսվարողները չհիմնավորված  բարձրացրել են։ Եվ հենց սրանով էլ պայմանավորված, որ Հայաստանում տեղի է ունենում մեծաքանակ անասունների, թռչունների  մորթ,  ինչը բացասական հետևանք կարող է ունենալ, քանի որ խոշոր եղջերավոր անասունների գլխաքանակի վերականգնումը պահանջում է երկար տարիներ։

Այսօր ունենք մեծաքանակ սերմնացուի դեֆիցիտ, չկա գարնանացան գարու, ցորենի սերմ և այլն, այս խնդիրն ավելի է խորանալու,  եթե ռուս-ուկրաինական պատերազմը ձգվի մինչև մայիսի վերջ և հունիս»։ 

Նրա խոսքով՝ սպասվում է  ձեթի շատ բարձր գնաճ։

Մանրամասն՝ տեսանյութում։