Այս իշխանությունը պետք է հեռանա, որ կարողանանք կոտրել պարտությունների շղթան. Արթուր Վանեցյան

Բոլոր սոցիոլոգիական հարցումները փաստում են, որ այսօր մարդիկ ուզում են երկարաժամկետ անվտանգային երաշխիքներ, որոնք, ցավոք, մեր երկրում չկան: Այս մասին «Հայկական օրակարգ» պանելային քննարկման ժամանակ ասաց «Պատիվ ունեմ» խմբակցության պատգամավոր Արթուր Վանեցյանը:

«Ունենք Արցախի չլուծված հարց, տևական ժամանակ ՀՀ սուվերեն տարածքում գտնվող թշնամու զինուժ, ունենք չհստակեցված սահմաններ, ունենք անհասկանալի հարաբերություններ մեր հիմնական դաշնակիցների հետ, ունենք խնդիր միջազգային գործընկերների հետ: Այդ բոլորը պետք է նայենք գլոբալ անվտանգային միջավայրում: Պետք է ձևավորվի պրոֆեսիոնալ մարդկանց նոր իշխանություն»,- ասաց նա: