Ռուսական տանկերը շարժվում են դեպի Կիև

Ռուսական տանկերը Չեռնոբիլի օտարման գոտուց շարժվում են դեպի Կիև. հայտնել են Ուկրաինայի բանակի գլխավոր շտաբում «Ուկրաինսկայա պրավդա»-ի աղբյուրները։ Ավելի ուշ Գլխավոր շտաբը պաշտոնապես հաստատել է այս տվյալները։

Առայժմ ավտոշարասյունը կանգնեցվել է Իվանկով քաղաքային տիպի բնակավայրի մոտ, որտեղ ուկրաինացի զինվորականները պայթեցրել են Տետերև գետի կամուրջը։

«Իվանկովը սահմանից դեպի Կիև ճանապարհի կեսն է, դրանից հետո հնարավորություն է բացվում Վիշգորոդով հարձակվել Կիևի վրա»,- նշում է «Ուկրաինսկայա պրավդան»։

Միևնույն ժամանակ, ըստ CNN-ի և NBC News-ի, ԱՄՆ շտաբների պետերի միացյալ կոմիտեի նախագահ, գեներալ Մարկ Միլին հանդիպման ժամանակ, որին մասնակցում էին ԱՄՆ կոնգրեսականները, ասել է, որ ռուսական բանակը գտնվում է Կիևից 20 մղոն (մոտ 32 կիլոմետր) հեռու։