Պայմանավորվածություն է ձեռք բերվել հնարավորինս կարճ ժամանակահատվածում հասնել տարածաշրջանում տնտեսական և տրանսպորտային կապերի ապաշրջափակման․ Պուտին

Հայաստանի և Ադրբեջանի միջև տրանսպորտային հաղորդակցությունը պետք է վերականգնվի։ Ադրբեջանի նախագահ Իլհամ Ալիևի հետ մոտ 4 ժամ տևած հանդիպումից հետո կայացած ասուլիսի ժամանակ ասել է ՌԴ նախագահ Վլադիմիր Պուտինը։ Այս մասին տեղեկանում ենք Կրեմլի տարածած հաղորդագրությունից։

Պուտինը նաև  հիշեցրել է, որ նախօրեին հեռախոսազրույց է ունեցել ՀՀ վարչապետ Նիկոլ Փաշինյանի հետ, որի ընթացքում ընդգծվել է Արցախի հետ կապված եռակողմ պայմանավորվածությունները լիովին կատարելու կարևորությունը։

Անդրադառնալով Արցախում խաղաղապահ առաքելության գործունեությանը՝ Պուտինը նշել է, որ զորախումբը շարունակում է ապահովել կրակի դադարեցման շուջ ձեռք բերված պայմանավորվածությունը, հումանիտար օգնություն ցույց տալ Արցախի բնակչությանը։

«Պայմանավորել ենք շարունակել աշխատանքը տարածաշրջանում տրանսպորտային և առևտրային կապերի ապաշրջափակմանը հնարավորինս արագ  հասնելու ուղղությամբ։ Խոսքը Հայաստանի և Ադրբեջանի, ինչպես նաև տարածաշրջանի մյուս երկրների միջև ամբողջ ծավալով բեռնափոխադրումների և ուղևորափոխադրումների վերակագնման մասին է»։