Հստակ պայմանավորվածություն է ձեռք բերվել խմբի հետ. Okean Elzy-ն Հայաստանում համերգ կտա

Ուկրաինական սիրված Okean Elzy ռոք խումբը հունիսի 1-ին համերգով հանդես կգա Երևանի Կարեն Դեմիրճյանի անվան մարզահամերգային համալիրում:

Yerkir.am-ի հետ զրույցում համերգի կազմակերպիչ Mezzo Production ընկերության ներկայացուցիչը տեղեկացրեց, որ արդեն պայմանավորվածություն է ձեռք բերվել խմբի հետ, և համերգն իսկապես կայանալու է: «Տոմսերը վաճառքի կհանվեն մարտի 25-ից, դրանց գինը կլինի 8000-20 000 դրամ: Երբ տոմսերը վաճառքի հանվեն, հենց այդ օրն էլ խմբի պաշտոնական կայքէջում կլինի ինֆորմացիա այն մասին, որ հյուրախաղերով հանդես են գալու նաև Հայաստանում»,- ասաց նա:

Ինչ վերաբերում է համերգի երգացանկին, ապա այն դեռ հստակեցվում է:

Հիշեցնենք, որ մինչ այս լուրեր կային, որ խումբը Երևանում պետք է համերգ տա 2016-ի ապրիլի 25-ին: