«Ստիպողաբար սիրելի չես դառնա». Պեսկովը՝ Ռուսաստան-Արեւմուտք հարաբերությունների մասին

Մոսկվան հետաքրքրված է համագործակցել բոլոր երկրների, այդ թվում՝ ԱՄՆ-ի ու Եվրոպայի հետ, սակայն ստիպողաբար սիրելի չես դառնա, ուստի նա կփնտրի փոխգործակցությունն ընդլայնելու հնարավորություններ այնտեղ, որտեղ կա փոխադարձ վերաբերմունք, ՌԻԱ Նովոստի-ին հայտարարել է Ռուսաստանի նախագահի մամուլի քարտուղար Դմիտրի Պեսկովը:

«Ռուսաստանը երկիր է, որը փնտրում է համագործակցություն բոլորի հետ: Մենք հետաքրքրված ենք մեր եվրոպական գործընկերների հետ համագործակցության մեջ: Մենք հետաքրքրված ենք Միացյալ Նահանգների հետ համագործակցության գործում ե՛ւ առեւտրա-տնտեսական, ե՛ւ ներդրումային, ե՛ւ անվտանգության հարցերի շուրջ: Սակայն ստիպողաբար սիրելի չես դառնա: Ուստի, իհարկե, Ռուսաստանը կփնտի փոխգործակցությունն ընդլայնելու հնարավորություններ այնտեղ, որտեղ տեսնում է փոխադարձ վերաբերմունք»,-ասել է Պեսկովը:

Նա նշել է, որ դա նորմալ է, երբ մի կողմում շփման պակասը փոխհատուցվում է մյուս կողմում շփումով:

«Եւ դա տեղի է ունենում բոլոր պետություններում, այդ թվում՝ Ռուսաստանում»,-հավելել է գործակալության զրուցակիցը: