Ռուս սենատորը Թուրքիայի կողմից Ուկրաինային զենք մատակարարելը սադրանք է համարում

Ստեղծված բարդ իրավիճակում Ուկրաինային զենքի մատակարարումը սադրանք է, և Անկարան չի կարող դա չհասկանալ. «ՌԻԱ Նովոստի»-ին ասել է Ռուսաստանի Դաշնության պետական ինքնիշխանության պաշտպանության Դաշնության խորհրդի հանձնաժողովի ղեկավար Անդրեյ Կլիմովը։

Ավելի վաղ Ուկրաինայի նախագահ Վլադիմիր Զելենսկին հայտարարել էր, որ Ուկրաինան և Թուրքիան համաձայնագիր են ստորագրել՝ ընդլայնելու «Բայրաքթար» անօդաչու թռչող սարքերի արտադրությունը Ուկրաինայում։

«Այս իրավիճակում զենքով Ուկրաինային հագեցնելն ինքնին սադրանք է, հրահրման տարր։ Անկարայում չեն կարող դա չհասկանալ, բայց  ամեն դեպքում դա անում են, ինչը ցավալի է»,- ասել է սենատորը։

Վերջին շրջանում իրավիճակը Ուկրաինայի հարավ-արևելքում սրվել է, շփման գծում պարբերաբար փոխհրաձգություններ են տեղի ունենում։

Սենատորն ընդգծել է, որ Թուրքիայի դրդապատճառները պարզ են. Անկարան մի կողմից փորձում է լուծել իր ֆինանսական հարցերը, հիշեցնել իր մասին, գովազդել իր զենքը, մյուս կողմից՝  Թուրքիան կցանկանար դառնալ «այս մեծ խաղի մասնակիցը»։

Միաժամանակ օրենսդիրն ընդգծել է, որ Ուկրաինային մատակարարվող զենքի յուրաքանչյուր գրամի հետ մեծանում է հարավ-արևելքում հակամարտությունների ինքնաբուխ բռնկման վտանգը։ «Ցավոք, վտանգ կա, որ Կիևի «բազեները» կարող են հրամայել օգտագործել այս իրավիճակը»,- ասել է քաղաքական գործիչը։