ԱՄՆ-ի կողմից Ուկրաինային զենք մատակարարելը կվատթարացնի իրավիճակը. Պուտին

ԱՄՆ-ի կողմից մահաբեր զենքի հնարավոր մատակարարումներն Ուկրաինա չեն փոխի Դոնբասում իրավիճակը, այլ կհանգեցնեն զոհերի թվի աճին: Այդ մասին հայտարարել է ՌԴ նախագահ Վլադիմիր Պուտինը Չինաստանում մամուլի ասուլիսի ժամանակ. հայտնում է Известия-ն:

«ԱՄՆ-ի ինքնիշխան որոշումն է՝ ում զենք վաճառել  կամ անվճար մատակարարել, և այդ օգնությունը ստացող երկրի որոշումն է: Մենք այդ գործընթացի վրա ոչ մի կերպ չենք կարող ազդել: Բայց կան ընդհանուր միջազգային օրենքներ և մոտեցումներ: Հակամարտության գոտի զենքի մատակարարումները չեն նպաստում խաղաղության հաստատմանը, այլ միայն վատթարացնում են իրավիճակը»,- ասել է ՌԴ նախագահը: