Ըստ Ֆրանսիայի առողջապահության նախարարության՝ Օմիկրոնը կորոնավիրուսի հնարավոր վերջին ալիքն է

Հավանականություն կա, որ մարդկությունը, ստանալով  կորոնավիրուսի Օմիկրոն շտամը, բախվի COVID-19-ի «վերջին ալիքին»։ Այս մասին հայտարարել է Ֆրանսիայի առողջապահության նախարար Օլիվյե Վերանը. հայտնում է РБК-ն։

Ըստ նրա՝ հաշվի առնելով վարակվածության մակարդակը Ֆրանսիայում և մոլորակում, հավանական է, որ մարդկությունը ձեռք է բերել իմունիտետի ինչ-որ ձև՝ կա՛մ պատվաստումների, կա՛մ վարակի, կա՛մ միաժամանակ երկուսի միջոցով:

«Առաջիկա օրերին վարակումների մակարդակը կբարձրանա, քանի որ Օմիկրոնի շրջանառության մակարդակը շատ բարձր է ամբողջ մոլորակում, և իշխանությունները երբեք այսքան վարակ չեն գրանցել ամբողջ աշխարհում»,- ասել է Վերանը:

Նախարարը պարզաբանել է, որ Օմիկրոնով վարակվածներն ապահովում են հիվանդների հիմնական մասը սովորական բաժանմունքներում, իսկ վերակենդանացման ու ինտենսիվ թերապիայի բաժանմունքներում հիմնականում  նախորդ շտամով՝ Դելտայով վարակվածներն են։