Պետդեպարտամենտը Ռուսաստանից պահանջել է զորքերը հեռացնել Ուկրաինայի հետ սահմանից

ԱՄՆ պետդեպարտամենտը հերթական անգամ կոչ է արել Ռուսաստանի իշխանություններին` հեռացնել Ուկրաինայի հետ սահմանի երկայնքով տեղակայված զորքերը:

«Մենք շարունակում ենք կոչ անել Ռուսաստանի կառավարությանը ... հեռացնել ուժերը, որոնք նա կուտակել է Ուկրաինայի սահմանների երկայնքով և վերջ դնել ագրեսիվ և սպառնալից հռետորաբանությանը», - РБК-ն մեջբերում է  պետդեպարտամենտի հայտարարությունը Դոնբասում հրադադարի մասին։

Bloomberg-ը նախօրեին, հղում անելով Janes ընկերության արբանյակային պատկերների տվյալներին, պնդում էր, որ Ռուսաստանը շարունակում է զորքերի խմբավորումը Ուկրաինայի հետ սահմանին և զինտեխնիկա է բերում տարածաշրջան: Գործակալության տվյալներով՝ նոյեմբերից սահմանամերձ շրջաններ են տեղափոխվել տանկեր, հրետանային զինատեսակներ, հակաօդային պաշտպանության համակարգեր։ Bloomberg-ը չի բացառում, որ անհրաժեշտության դեպքում Ռուսաստանը «արագ կամրապնդի այդ ուժերը»՝ մեծ կազմավորումներ ուղարկելով գնացքներով ու ինքնաթիռներով։