Թուրքիան և Քաթարը պայմանավորվել են Աֆղանստանի օդանավակայանների կառավարման հարցում. ԶԼՄ-ներ

Թուրքիան և Քաթարը համաձայնության են եկել Աֆղանստանում Քաբուլի օդանավակայանի կառավարման վերաբերյալ։ Այս մասին հինգշաբթի հայտնել է Akşam թերթը։

Անկարան պաշտոնապես չի մեկնաբանել այս տեղեկությունը։

Ավելի վաղ Թուրքիայի արտգործնախարար Մևլութ Չավուշօղլուն հայտնել էր, որ Անկարան և Դոհան մտադիր են «Թալիբան» արմատական շարժման ներկայացուցիչներին ներկայացնել Աֆղանստանի հինգ օդանավակայանների կառավարման համատեղ առաջարկ։

Քաբուլի օդանավակայանի թռիչքուղին և տերմինալները մեծ վնաս են կրել քաոսի և օգոստոսի 26-ի ահաբեկչության հետևանքով: Օգոստոսի վերջից տեխնիկական անձնակազմերը Քաթարից և Թուրքիայից օգնում են օդանավակայանի գործարկմանը: Սեպտեմբերի 4-ին օդանավակայանից առաջին ինքնաթիռները օդ են բարձրացել դեպի Աֆղանստանի Մազարի Շարիֆ, Կանդահար և Հերաթ քաղաքներ։ Սեպտեմբերի 9-ին Աֆղանստանից ամերիկյան զինվորականների դուրս գալուց հետո առաջին ինքնաթիռը միջազգային թռիչք կատարեց Քաբուլից Դոհա։ Սեպտեմբերի երկրորդ կեսից առևտրային չարտերային թռիչքներ են իրականացվում նաև դեպի Քաբուլ Իրանից, Պակիստանից և Սաուդյան Արաբիայից։