Ուկրաինան միգրանտների պատճառով հատուկ գործողություն է սկսել Բելառուսի հետ սահմանին

Ուկրաինան հայտարարել է Բելառուսի հետ սահմանին «Պոլեսյե» հատուկ գործողության մեկնարկի մասին՝ անօրինական միգրանտների հետ կապված իրավիճակի սրումը կանխելու նպատակով․ Facebook-ում հայտնում է հանրապետության պետական սահմանապահ ծառայության մամուլի ծառայությունը։

Նախարարության տվյալներով՝ այսօր փախստականների հոսքը դեպի Ուկրաինա վերաուղղելու վտանգը բավական մեծ է, ուստի միգրացիոն ճգնաժամի զարգացումը կանխելու համար որոշվել է ուժեղացնել պետական սահմանի պաշտպանությունը։ Նշվում է, որ գործողությունը համակարգում է Պետական սահմանային ծառայությունը, իրականացնում՝ Ազգային գվարդիան, Ազգային ոստիկանությունը, Ուկրաինայի զինված ուժերը և ներգրավված այլ ռեզերվներ։

Գործողությունն իրականացնելու համար ավելացվել է սահմանապահների թիվը, ինչպես նաև ուժերն ու միջոցները փախստականների՝ երկիր հնարավոր ներթափանցման վայրերում։ Սահմանային ծառայությունն ընդգծել է, որ միջոցառումների ընթացքում ակտիվորեն կկիրառվեն անօդաչու թռչող սարքեր (ԱԹՍ), ավիացիոն և տեխնիկական հսկողության սարքավորումներ։