Ադրբեջանը շարունակում է նկրտումները Իրանի և Հայաստանի մշակութային ժառանգության նկատմամբ

Ադրբեջանի մշակույթի նախարար Անար Քերիմովը հայտարարել է, որ որոշ երկրներում Ադրբեջանի նշանավոր դեմքերը և արվեստի գործերը դիտավորյալ ներկայացվում են որպես պարսկական կամ հայկական։

«Մեր դեմ արդեն երկար տարիներ մեծ արշավ է տարվում։ Մենք պարբերաբար աշխատում ենք մեր օտարերկրյա գործընկերների և մշակութային հաստատությունների հետ՝ բարձրացնելու նրանց տեղեկացվածությունը: Ամբողջ աշխարհը պետք է իմանա, որ և՛ Նիզամին, և՛ Ֆիզուլին ադրբեջանցի բանաստեղծներ են»,- ասել է նախարարը։

Քերիմովը նաև մեղադրել է Հայաստանին Ադրբեջանի կողմից օկուպացված Շուշի քաղաքից «ադրբեջանական» գորգեր «գողանալու» մեջ։ Խոսքը վերաբերում է հրետակոծությունից փրկված՝ հայկական գորգերի թանգարանի ցուցանմուշներին, որոնք ցուցադրվել են Երևանում կայացած ցուցահանդեսում։ Արվեստի առարկաների մեծ մասն այդպես էլ չէր տարհանվել Շուշիի թանգարաններից և պատկերասրահից։

Հիշեցնենք, որ վերոնշյալ պարսիկ բանաստեղծները թյուրքախոս իրանցիներ էին. նրանց թյուրքախոս լինելն էլ հիմք է տալիս «Ադրբեջան» նորաստեղծ պետությանը բանաստեղծներին համարել «ադրբեջանցի» (այնինչ՝ ադրբեջանցի տերմինը ներկայիս Ադրբեջան պետության մեջ ապրողների նկատմամբ սկսել է կիրառվել պարսիկ բանաստեղծներից մի քանի դար հետո միայն):