Իրանը պատրաստ է ԱՄՆ-ի հետ երկարատև պատերազմի. Քամալ Խարազի

Իրանը պատրաստ է ԱՄՆ-ի հետ երկարատև պատերազմի, CNN-ին տված հարցազրույցում հայտարարել է Գերագույն առաջնորդի գրասենյակի արտաքին քաղաքականության խորհրդական Քամալ Խարազին։

Նա առայժմ բացառել է դիվանագիտական ​​լուծումը։ «Ես այլևս տեղ չեմ տեսնում դիվանագիտության համար։ Որովհետև Դոնալդ Թրամփը խաբել է ուրիշներին և չի պահել իր խոստումները, և մենք դա տեսել ենք երկու անգամ բանակցությունների ընթացքում. մինչ մենք բանակցություններ էինք վարում, նրանք հարձակվում էին մեզ վրա»,- ասել է Խարազին։

«Դիվանագիտությունը տեղ չունի, եթե տնտեսական ճնշումը չսրվի այնքանով, որ այլ երկրներ միջամտեն՝ ապահովելու համար, որ Իրանի դեմ ամերիկյան և իսրայելական ագրեսիան դադարեցվի»,- հավելել է նա՝ ակնարկելով, որ Պարսից ծոցը և այլ պետություններ պետք է ճնշում գործադրեն ԱՄՆ-ի վրա՝ պատերազմը դադարեցնելու համար։

«Այս պատերազմը մեծ ճնշում է ստեղծում՝ տնտեսական ճնշում՝ ուրիշների վրա՝ գնաճի, էներգիայի պակասի տեսքով, և եթե այն շարունակվի, այս ճնշումը կաճի, և, հետևաբար, մյուսները այլընտրանք չեն ունենա, քան միջամտելը»,- ասել է Խարազին։