ՏԵՍԱՆՅՈՒԹ․ Կապան-Ճակատեն ճանապարհն էլ է վտանգի տակ, գիշերը անհասկանալի իրադարձություն է տեղի ունեցել․ Աննա Գրիգորյան

Ընդամենը մեկ օրինակ․ պատկերացրեք, Գորիսից դեպի Որոտան գնացող ուսուցիչը, որ ամեն առավոտ գնում է Որոտանում դաս տալու, այդ ուսուցիցը ինչպե՞ս է գնալու՝ այդ ԱԽՔ-ը որևէ ձևով կարո՞ղ է բացատրել՝ ըստ Yerkir.am-ի ասաց ԱԺ «Հայաստան» խմբակցության պատգամավոր Աննա Գրիգորյանը Կառավարության շենքի դիմաց՝ Գորիս-Կապան ճանապարհին ադրբեջանական մաքսակետեր կառուցելու տեղեկատվությանն ի պատասխան դիմադրության ակցիայի ժամանակ։

Նա ասաց, որ գիշերը 12-ից փակվել է ճանապարհը, որպեսզի նոր մաքսակետեր տեղադրվեն․ մեկ անցակետ կար, բայց գիշերվանից փակվել է, որ նոր մաքսակետեր տեղադրվեն։

Նա զգուշացրեց, որ Կապան-Ճակատեն ճանապարհն էլ է վտանգի տակ, որտեղ այսօր կանգնած են ադրբեջանցիները և անհասկանալի իրադարձություն է տեղի ունեցել գիշերը 12-ից հետո։

«Ես ԱԺ ամբիոնից է՛լ, տարբեր հարթակներից է՛լ երկու ամիս շարունակ հարց եմ հնչեցնում՝ ադրբեջանցիները շինարարական աշխատանքներ են իրականցնում՝ ի՞նչ են կառուցում, այդ կառուցածը հնարավո՞ր է, որ մեզ համար անվտանգային խնդիրներ ստեղծի, և որևէ մեկը որևէ պատասխան չէր հնչեցնում, և միայն երեկ ԱԽՔ կոչվածը տեղի ունեցածից ընդամենը ժամեր առաջ հայտարարում է, որ այնտեղ մաքսակետ է կառուցվել, և դրան ի պատասխան իբր մենք էլ մեր մաքսակետն ենք կառուցում։ Այդ ի՞նչ մաքսակետ ենք կառուցում, մենք ո՞ւմ համար ենք կառուցում, դրանք պատկերացրե՞լ են, թե այդ ճանապարհով անցնող մարդիկ ընդհանրապես ի՞նչ անվտանգություն պետք է ունենան»,-ասաց Աննա Գրիգորյանը։

Նա պահանջեց ասել՝ այդ ո՞ր համաձայնության արդյունքում է եղել։

Մանրամասն՝ տեսանյութում․