Պետքարտուղարությունը կոչ է արել Վրաստանին՝ արժանապատվորեն վերաբերվել Սահակաշվիլիին

Վաշինգտոնը Վրաստանի կառավարությանը կոչ է անում արժանապատվորեն վերաբերվել երկրի բանտարկված նախկին նախագահ Միխեիլ Սահակաշվիլիին. հայտարարել է ԱՄՆ պետդեպարտամենտի խոսնակ Նեդ Փրայսը։

«Մենք Վրաստանի կառավարությանը կոչ ենք անում ազնվությամբ և արժանապատվությամբ վերաբերվել Սահակաշվիլիին՝ միջազգային նորմերին համապատասխան»,- ասել է նա ճեպազրույցում։

Փրայսն ընդգծել է, որ ԱՄՆ-ը վերահսկում է իրավիճակը և կոչ է անում Վրաստանի կառավարությանը՝ անհապաղ միջոցներ ձեռնարկել՝ Սահակաշվիլիի, ֆիզիկական և հոգեկան առողջության համատեքստում, հրատապ կարիքների բավարարումն ապահովելու համար։ Նա ասել է, որ Վաշինգտոնը կոչ է անում Սահակաշվիլիին համապատասխան բժշկական միջոցներ տրամադրել: 

«Մենք կոչ ենք անում վրացական իշխանություններին՝ անհապաղ միջոցներ ձեռնարկել՝ ապահովելու պարոն Սահակաշվիլիի հոգեկան և ֆիզիկական առողջության հրատապ կարիքները: Մենք Վրաստանին կոչ ենք անում ազնվությամբ և հարգանքով վերաբերվել Սահակաշվիլիին»,- ասել է Փրայսը:

Սահակաշվիլին ձերբակալվել է Թբիլիսիում հոկտեմբերի 1-ին։ ներկայումս գտնվում է Գլդանիի բանտային հիվանդանոցում (Թբիլիսիի շրջան): Վրաստանում Սահակաշվիլին ներգրավված է մի քանի քրեական գործերում։