Պետքարտուղարությունը Լիբանանում գտնվող ԱՄՆ քաղաքացիներին կոչ է արել լքել երկիրը

ԱՄՆ Պետդեպարտամենտը Իսրայելի և Լիբանանի «Հեզբոլլահ» շարժման միջև հակամարտության սրման պատճառով շաբաթ օրը Լիբանանում գտնվող ամերիկացիներին կոչ է արել լքել երկիրը, քանի դեռ կոմերցիոն թռիչքների հնարավորություններ կան:

««Հեզբոլլահի» և Իսրայելի միջև շարունակվող հակամարտության անկանխատեսելի բնույթի և Լիբանանում, ներառյալ Բեյրութում տեղի ունեցած վերջին պայթյունների պատճառով, ԱՄՆ դեսպանությունը կոչ է անում ԱՄՆ քաղաքացիներին լքել Լիբանանը, քանի դեռ կոմերցիոն թռիչքների տարբերակներ կան», - ասվում է ԱՄՆ Պետդեպարտամենտի թարմացված ուղեցույցում:

Գերատեսչությունից հայտնել են, որ ներկայումս գործում են կոմերցիոն թռիչքներ, բայց սահմանափակ տարողությամբ:

«Եթե անվտանգության իրավիճակը վատթարանա, կոմերցիոն թռիչքների տարբերակները կարող են անհասանելի դառնալ», - ասվում է հաղորդմն մեջ։