Մենք թույլ չենք տա Թուրքիային՝ սպառնալ մեր դաշնակից քրդերին Սիրիայում. Պենտագոն

ԱՄՆ պաշտպանության նախարարությունը հաստատել է, որ նախագահ Ջո Բայդենի վարչակազմը թույլ չի տա Թուրքիային՝ սպառնալ Վաշինգտոնի դաշնակիցներին Սիրիայի հյուսիս-արևելքում։

ԱՄՆ պաշտպանության նախարարության խոսնակը Sky News-ին ասել է. «Տեղեկություններ կան, որոնք ցույց են տալիս, որ Թուրքիան վարձկանների խմբի միջոցով պատրաստվում է ռազմական գործողություն իրականացնել Սիրիայի հյուսիս-արևելքում քրդերի դեմ»:

«Բայդենի վարչակազմը թույլ չի տա Թուրքիային՝ սպառնալ մեր քուրդ դաշնակիցներին»,- հավելել է նա։

Հիշեցնենք, որ Թուրքիայի ԱԳՆ ղեկավար Մևլյութ Չավուշօղլուն հայտարարել էր, որ ՌԴ-ն և ԱՄՆ-ը չեն կատարում Սիրիայի հարցում իրենց պարտավորությունները, այն է՝ հեռացնել քրդերին Թուրքիայի սահմանից 30 կմ խորությամբ, իսկ Էրդողանն էլ ակնարկել էր հնարավոր ռազմական գործողության մասին` ընդդեմ քրդերի: