Էրդողանը նոր ռազմական գործողություն է նախապատրաստում Սիրիայի դեմ

Էրդողանը հայտարարել է Սիրիայի հյուսիսում սպառնալիքները վերացնելու՝ Թուրքիայի պատրաստակամության մասին: Հոկտեմբերի 11-ին Թուրքիայի նախագահ Ռեջեփ Թայիփ Էրդողանը հայտարարել է, որ այլևս չի հանդուրժի Սիրիայի հյուսիսում ահաբեկիչների սպառնալիքը և պատրաստ է ինքնուրույն լուծել այս հարցը:

«Մեր բանակի վրա հարձակումները և Սիրիայում ահաբեկիչների վերջին հարձակումները լցրել են մեր համբերության բաժակը: Մենք մոտ ապագայում անհրաժեշտ քայլեր կձեռնարկենք Սիրիայից բխող սպառնալիքները ինքնուրույն վերացնելու համար»,- ընդգծել է Էրդողանը ազգին ուղղված ուղերձում:

Հիշեցնենք, որ ՌԴ նախագահի հետ հանդիպումից հետո Թուրքիան ավելի է ակտիվացել Սիրիայում. վերջին շրջանում հաճախ են ստացվում «թուրքական շարասյուների վրա հարձակումների մասին» լուրեր: Կիրակի թուրքերը հայտնել էին 1 զոհի և 3 վիրավորի մասին, իսկ երեկ արդեն Թուրքիան հայտարարեց Սիրիայի հետ սահմանակից թուրքական Քարքամիշ քաղաքի ռմբակոծության մասին՝ դրա մեղքը դարձյալ բարդելով քրդերի վրա, թեև քրդական ուժերը հերքել են: