Էրդողանը հայտարարել է Սիրիայում նոր հակաահաբեկչական գործողություն սկսելու մասին

Թուրքիայի զինված ուժերը մտադիր են նոր անդրսահմանային գործողություն իրականացնել Սիրիայի հյուսիսում գտնվող Մանբիջ և Թել Ռըֆաթ շրջաններում PKK-ի անդամների դեմ. հայտարարել է Թուրքիայի նախագահ Ռեջեփ Թայիփ Էրդողանը երկրի խորհրդարանում ունեցած ելույթի ժամանակ։

«Սիրիայում սկսվում է անվտանգության գոտու ձևավորման նոր փուլ՝ թուրքական սահմանից 30 կմ խորությամբ։ Մենք մաքրում ենք Թել Ռըֆաթն ու Մանբիջն ահաբեկիչներից»,- ասել է Թուրքիայի ղեկավարը։

Նրա խոսքով՝ Թուրքիայի հետ սահմանամերձ մյուս շրջանները զինյալներից մաքրելու նոր փուլեր կհաջորդեն։ «Տեսնենք, թե ինչպիսին կլինի արձագանքը անվտանգության ոլորտում Թուրքիայի օրինական քայլերին։ Ո՞վ կաջակցի Անկարային»,- հավելել է թուրքական պետության ղեկավարը։