Ֆրանսիայի ԱԳՆ-ի կարծիքով՝ Ռուսաստանը չի ցանկանում ռազմական գործողություն վարել Ուկրաինայի դեմ

Ֆրանսիայի արտաքին գործերի նախարար Ժան-Իվ Լե Դրիանը կարծում է, որ Ռուսաստանը ռազմական գործողությունների չի ձգտում Ուկրաինայի արևելքում:

«Չեմ կարծում, որ Ռուսաստանը ռազմական գործողությունների է ձգտում Ուկրաինայի դեմ, բայց ռուսական զորքերի տեղափոխումը դեպի ուկրաինական սահմանը վտանգ է ստեղծում հակամարտության զարգացման համար»,- ասել է Լե Դրիանը France 2 հեռուստաալիքի եթերում:

Արևմտյան տերությունները, հատկապես՝ ԱՄՆ–ը, անհանգստություն էին հայտնել և ՌԴ–ին մեղադրել Ուկրաինայի դեմ պատերազմի պատրաստվելու մեջ՝ միևնույն ժամանակ զինելով և պատրաստելով ուկրաինական բանակը։ ՌԴ–ն հերքել է նմանատիպ մեղադրանքները։