Աֆղանստանը կվաճառի պաշտոնյաների գույքը՝ էլեկտրաէներգիայի դիմաց պարտքը վճարելու համար

Աֆղանական էներգետիկ կորպորացիան Da Afghanistan Breshna Sherkat (DABS) նախատեսում է վաճառել տապալված կառավարության պաշտոնյաների գույքը՝ հարևան արտահանող երկրներին էլեկտրաէներգիայի պարտքերը մարելու համար: Այս մասին չորեքշաբթի հայտարարել է թալիբների կողմից կորպորացիայի գործադիր տնօրեն նշանակված Սաֆիուլլահ Ահմադզայը:

«Ընթացակարգի ավարտից և ժամանակավոր կառավարության հաստատումից հետո ընկերությունը կսկսի վաճառել Աֆղանստանից հեռացած պարտապանների և պաշտոնյաների գույքը»,- նրա խոսքը մեջբերում է տեղական TOLO News հեռուստաալիքը:

Սակայն DABS-ի նախկին տնօրեն Ամանուլլահ Ղալիբը նշել է, որ առաջարկվող միջոցը կարող է առկա խնդիրը լուծել միայն կարճաժամկետ հեռանկարում: «Լավագույն դեպքում հավաքված գումարի չափը էլեկտրաէներգիայի դիմաց պարտքը մասամբ մարելուն կբավակացնի: Բայց, ի վերջո, դա չի լուծի կորպորացիայի առջև ծառացած խնդիրները»,- ասել է նա: