Արա Նռանյանն ընտրվեց ՀՀ հանրային ծառայությունները կարգավորող հանձնաժողովի անդամ

Խորհրդարանում այսօր քննարկվում էր ՀՀ հանրային ծառայությունները կարգավորող հանձնաժողովի անդամի ընտրության հարցը։ Ընդդիմադիր «Հայաստան» և «Պատիվ ունեմ» խմբակցություններն առաջադրել էին Արա Նռանյանի թեկնածությունը։

Փակ, գաղտնի քվեարկությունից հետո հաշվիչ հանձնախմբի նախագահ Նարեկ Բաբայանը ներկայացրեց քվեարկության արդյունքները։ Ըստ այդմ՝ Ազգային ժողովի 107 պատգամավորից քվեարկությանը մասնակցել է 75-ը: Քվեատուփում առկա է եղել 75 քվեաթերթիկ։ 

Ձայները բաշխվել են հետևյալ կերպ՝ 68 կողմ, 7 դեմ: Արա Նռանյանն ընտրվեց ՀԾԿՀ անդամ: 

Ավելի վաղ տեղեկացրել էինք, որ ՀՀ հանրային ծառայությունները կարգավորող հանձնաժողովի անդամի թեկնածու Արա Նռանյանը ԱԺ-ում ներկայացրեց ՀԾԿՀ տիրույթում գտնվող ոլորտների զարգացման իր տեսլականը: