Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Ուկրաինան Կանադայից կստանա NASAMS հակաօդային պաշտպանության համակարգը
6 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
7 ժամ առաջ Քաղաքական
Միջազգային քրեական դատարանը Բենիամին Նեթանյահուին և Յոավ Գալանտին ձերբակալության օրդեր է տվել
8 ժամ առաջ Աշխարհ
Նոր որոշումով 50.000-ի փոխարեն՝ 40.000. Արցախի հարցը իշխանության համար փակված է. դիտարկում
8 ժամ առաջ Քաղաքական
Բելգիացի քաղաքական գործիչները և խորհրդարանականները, հընթացս COP 29-ի, հայտարարություն են ուղղել Ադրբեջանի և Բելգիայի կառավարություններին
9 ժամ առաջ Քաղաքական
Փաշինյանի կառավարությունը պետք է չքվի՛ մեր երկրից իր որոշումների հետ միասին. քաղաքացիների կարծիքը՝ հարկերի բարձրացման մասին
9 ժամ առաջ Հասարակություն
Փաշինյանը չի կարողանում լուծել ռեբուսը․ արդյոք ինքը մեղավո՞ր է, թե՞ պատասպանատու․ Վլադիմիր Մարտիրոսյան
9 ժամ առաջ Քաղաքական
Միասնական ընդունելության քննությունների արդյունքում ագրարային համալսարանում կրկին արձանագրվել են խայտառակ արդյունքեր
10 ժամ առաջ Հասարակություն
Բավարար չէ ասել, որ Նիկոլը «մերկ» է. պետք է հիմնավորել, որ նա «տգեղ» է․ Արմեն Աշոտյան
10 ժամ առաջ Քաղաքական
Լյուքսեմբուրգի Պատգամավորների պալատն Ադրբեջանից պահանջում է անհապաղ և առանց նախապայմանների ազատ արձակել անօրինական կերպով բանտարկված բոլոր անձանց
12 ժամ առաջ Իրավական

0 դիտում,

3 տարի առաջ - 2021-10-01 11:52

Մշակույթ

Մայր բուհում գրքերի շնորհանդես է կազմակերպվել

Սեպտեմբերի 28-ին Արցախի պետական համալսարանում տեղի է ունեցել բանաստեղծ Վիտալի Պետրոսյանի «Պատերազմի դուռը», որը հրատարակել է Համազգային հայ կրթական և մշակութային միության Արցախի գրասենյակը, և Համազգայն հայ կրթական և մշակութային միության Հայաստանի գրասենյակի կողմից հրատարակված «Հնչող ձայներ» գրքերի շնորհանդեսը։

Ներկաները միջոցառման սկզբում ծաղիկներ խոնարհեցին ԱրՊՀ անմահացած տղաների հուշատախտակի առաջ։

Համազգային հայ կրթական և մշակութային միության Արցախի գրասենյակի տնօրեն Հերմինե Ավագյանն իր խոսքում կարևորեց այս պատմական ժամանակաշրջանում գրականության զարգացման շարունակականությունը։

««Հնչող» ձայներ գրքում ներկայացված են 44-օրյա պատերազմում զոհված տղաների գրվածքները: Գրքում ընդգրկված են տասնմեկ հերոսների՝ Վարդան Ամալյանի, Արտակ Բարսեղյանի, Շիրակ Գասպարյանի, Ավետիք Կարճիկյանի, Կոմիտաս Հակոբյանի, Տիգրան Հարությունյանի, Արեն Հովհաննիսյանի, Հայասեր Հովակիմյանի, Վաչագան Մանուկյանի, Սուրեն Մելիքնեկյանի և Շանթ Նավոյանի ստեղծագործությունները:

«Հնչող ձայները» այդ տղաների ձայներն են իրենց բանաստեղծությունների, պատմվածքների տեսքով, որ պետք է հավերժ հնչեն մեր բոլորիս մտքերում, հոգիներում ու սրտերում: Պետք է սերունդներին փոխանցենք այդ ձայնը, որը և՛ մեզ, և՛ ապագայի համար առաջին հերթին պետք է լինի սթափության, ներկայից, անցյալից դասեր քաղելու և շիտակ ապրելու ձայն»,- նշեց Հ. Ավագյանը:

«Պատերազմի դուռը» գրքի հադրութցի հեղինակ Վիտալի Պետրոսյանի խոսքով՝ ստեղծագործում է դեռևս դպրոցական տարիներից։ Գրողի վերջին գիրքը, որը վերնագրված է «Խրամատի ճանապարհը», նվիրված է Ապրիլյան քառօրյա պատերազմին: Այդ գրքից նա մոտ տասը բանաստեղծություն ընդգրկել է «Պատերազմի դուռը» գրքի էջերում:

«Գրքում ներկայացվում են 2018 թվականից մինչ օրս Արցախում տեղի ունեցած բոլոր իրադարձությունները: Ուզում եմ, որ այս գիրքը բոլորիս համար դառնա հավատի ճանապարհ»,- ասաց Վ. Պետրոսյանը:

Շնորհանդեսին ներկա էին ԱրՊՀ դասախոսներ, ուսանողներ:

«Հնչող ձայներ»-ի գաղափարը Համազգայինի Երևանի գրասենյակի տնօրեն Ռուզաննա Առաքելյանինն է։ Խոսելով գրքի ստեղծման մասին՝ նա նշել է, որ նահատակված տղաները երբեք լուռ չեն. «Եռաբլուրում լռություն չկա: Տղաները խոսում են մեզ հետ և մեկ բան են պատգամում: Նրանց բոլոր պատգամները հայրենիքի մասին են, մեզ արժանապատվություն, ապրելու իրավունք փոխանցում են այս հերոս տղաները»,- ընդգծել է Ռ. Առաքելյանը։