Ամերիկյան բուհում հատուկ պաշտոն է ստեղծվել Սահակաշվիլիի համար

Վրաստանի նախկին նախագահ Միխեիլ Սահակաշվիլին կզբաղեցնի «բարձր մակարդակի պետական ծառայողի» պաշտոն, որը հատուկ նրա համար ստեղծել է  ԱՄՆ Թաֆթսի համալսարանին կից Ֆլեթչերի անվան իրավունքի և դիվանագիտության դպրոցը. հայտնում է РИА Новости-ն: Այդ մասին Սահակաշվիլին գրել է Facebook-ի իր էջում։

«Այդ պաշտոնը նախատեսված է այն բանի համար, որ ուսանողները կապ ունենան հայտնի առաջնորդների և միջազգային մասշտաբի տարբեր ոլորտների փորձերի հետ»,- նշել է Ֆլեթչերի դպրոցի դեկան Ջեյմս Ստավրիդսը։

Հայտնի է նաև, որ Սահակաշվիլին արդեն ելույթ է ունեցել Փրինսթոնի համալսարանում, իսկ 2 օր անց հրավիրված է  Հարվարդի համալսարան։