«Եդինայա Ռոսիան» Պետդումայում ստացել է 324 տեղ

Ռուսաստանի Դաշնության Կենտրոնական ընտրական հանձնաժողովը հայտարարել է Պետդումայի նոր` 8-րդ գումարման տեղերի բաշխման մասին: Արդյունքում` 324 պատգամավորական մանդատ կտրվի «Եդինայա Ռոսիա» քաղաքական կուսակցության անդամներին:

2016-ին կայացած վերջին ընտրությունների արդյունքներով՝ Դումայում  «Եդինայա Ռոսիա»-ի 343 անդամ էր։

Հայտնի է նաև, որ 57 կուսակցական մանդատ կունենա Ռուսաստանի Դաշնության Կոմունիստական կուսակցությունը: Վերջին գումարման ժամանակ նրանք 42-ն էին:

Լիբերալ-դեմոկրատական կուսակցությունից ավելի քիչ պատգամավորներ կլինեն`նախորդ գումարման համեմատ` համապատասխանաբար 21՝ 39-ի փոխարեն:

Միևնույն ժամանակ, 27 պատգամավոր «Արդար Ռուսաստանից» կներկայացնի ընտրողների շահերը նոր խորհրդարանում:

Նոր կուսակցությունը, որը կոչվում է «Նոր մարդիկ», մտել է Պետդումա առաջին անգամ. այն  ստացել է 13 մանդատ: