Իմքայլականի և «5-րդ ալիքի» լրագրողի միջև տեղի ունեցած միջադեպով քրեական գործ է հարուցվել․ Իրմա Ճաղարյան

Այսօր ՀՔԾ֊ից ստացել եմ որոշում` սույն դեպքի առթիվ քրեական գործ հարուցելու մասին։ Այս մասին ֆեյսբուքյան իր էջում գրում է փաստաբան Իրմա Ճաղարյանը։

«Հիշեցնեմ, որ դեպքի առթիվ դեռևս ձմռանը ներկայացվել էր հանցագործության մասին հաղորդում, որի շրջանակներում ՀՔԾ քննիչը կայացրել էր որոշում` քրեական գործի հարուցումը մերժելու մասին։ Քննիչի որոշումը բողոքարկվել էր Դատախազություն ... բնականաբար, բողոքը մերժվել էր։ Երևան քաղաքի առաջին ատյանի ընդհանուր իրավասության դատարանը` քննելով մեր կողմից քննիչի և դատախազի որոշումների դեն ներկայացված բողոքը, բավարարել էր մեր պահանջը։ Հետագայում Դատախազության կողմից համապատասխան բողոք էր հասցեագրվել ՀՀ Վերաքննիչ քրեական դատարան, որը` քննելով բողոքը, Առաջին ատյանի դատարանի որոշումը թողել էր օրինական ուժի մեջ։ Որոշումը բողոքարլվել էր ՀՀ Վճռաբեկ դատարան (ամենայն հավանականությամբ, մերժվել է)։
Արդյունքում իմ հարգելի գործընկերներին այլ բան չէր մնում, քան քրեակակ գործի հարուցումը։
Սպասենք հետագա զարգացումներին»,- գրել է նա։