Ռուսաստանը պետք է զորավարժություններ անցկացնի Դաղստանում՝ Ադրբեջանի հետ սահմանին՝ ի պատասխան Ադրբեջանին և Թուրքիային. ռուս քաղաքագետ

Ռուս փորձագետ, պատմաբան և քաղաքագետ Անտոն Եվստրատովի կարծիքով՝ Ռուսաստանը պետք է զորավարժություններ անցկացնի Դաղստանում՝ Ադրբեջանի հետ սահմանին՝ որպես պատասխան Ադրբեջանի և Թուրքիայի զորավարժություններին Արցախի Քաշաթաղի շրջանում՝ այն տեղանքի անմիջական հարևանությամբ, որտեղ տեղակայված է ռուսական խաղաղապահ զորախումբը։ Դա, անկասկած, մարտահրավեր է Ռուսաստանին:

Եվստրատովն իր «Armenian Stories» թելեգրամյան ալիքում գրում է. «Պակիստանի հատուկջոկատայինները նույնպես կմասնակցեն թուրք-ադրբեջանական զորավարժություններին Լաչինի միջանցքի մոտ: Ինչ վերաբերում է Ռուսաստանին ուղղված  մեսիջներին և ակնարկներին, ապա Ադրբեջանի ղեկավարությունը դրանք չի էլ թաքցնում՝ բաց թողնելով լրագրողների, «փորձագետների» և բլոգերների ոհմակների շղթաները, որոնք ոգևորությամբ բռունցքները թափահարում են դեպի Մոսկվան և Երևանը։ «Եթե մեզ միջանցք չտաք Սյունիքով, մենք կփակենք Լաչինս միջանցքը, այնտեղ զորքեր ունենք, և մեր եղբայրները մեզ հետ են»,- չեն հոգնում սպառնալիքներ հնչեցնելուց։ Իհարկե, Ռուսաստանը զուգահեռաբար ակնհայտորեն խոչընդոտել է թուրքական ավտոշարասյուներին Սիրիայում, բայց ես շատ կուզենայի իմանալ, թե ինչպես են այնտեղ Դաղստանի հարավում գտնվող ռուսական բանակի ստորաբաժանումները ... Դե, գուցե կարիք կա՞ ստուգելու մարտունակության աստիճանը, վարժանքներ նույնպես անցկացնել: Մարտական արկերով նորից կրակեն...», – նշել է նա։