Իրանը ՀՕՊ խոշոր զորավարժություններ կանցկացնի Թուրքիայի և Ադրբեջանի հետ սահմանին

Իրանում հակաօդային պաշտպանության համակարգերի փորձարկումներ տեղի կունենան Ադրբեջանին և Թուրքիային սահմանակից շրջաններում: Այս մասին երեքշաբթի հաղորդել է իրանական «Azariha» թելեգրամյան ալիքը:

Զորավարժությունները, որոնք տեղի կունենան հունվարի 10-ին, կներկայացնեն օդային հարձակման սցենար և դրա հետագա արտացոլումը հակաօդային պաշտպանության ուժերի կողմից:

Հետաքրքիր է, որ զորավարժություններն անցկացվելու են Արդաբիլի, Արևելյան և Արևմտյան Ատրպատականի նահանգներում, այսինքն՝ Թուրքիայի և Ադրբեջանի հետ սահմանին:

Իրանի իշխանությունները բնակչությանը կոչ են անում չանհանգստանալ՝ հավաստիացնելով, որ դա պարզապես երկրի զինված ուժերի մարտական պատրաստության փորձեր են:

Թուրքիայի նախագահ Ռեջեփ Թայիփ Էրդողանի՝ Բաքվի շքերթում վերջերս արված հայտարարությունների ֆոնին, իրանական զորավարժությունները շատ նշանակալից իրադարձություն են: