Մակրոնը կոչ է արել Իրանի նախագահին՝ վերանայել Ֆրանսիայի հետ հարաբերությունները

Ֆրանսիայի նախագահ Էմանուել Մակրոնը իրանցի գործընկեր Իբրահիմ Ռաիսիի հետ հեռախոսազրույցի ընթացքում կոչ է արել զարգացնել երկու պետությունների հարաբերությունները:

Մակրոնը Ռաիսիի հետ զրույցի ժամանակ մատնանշել է Իրանի և Ֆրանսիայի միջև համագործակցության զարգացման և խորացման անհրաժեշտությունը: Նա նաև կոչ է արել վերանայել երկու երկրների հարաբերությունները: Նշվում է, որ խոսքը վերաբերում էր քաղաքական, տնտեսական եւ մշակութային ոլորտներին:

Նշվում է, որ Ռաիսին «ողջունել է Ֆրանսիայի նախագահի առաջարկը»:

Մակրոնը, խոսելով միջուկային խնդրի մասին, ասել է, որ հույս ունի վերսկսել բանակցությունները Վիեննայում՝ Իրանի ներկայությամբ:

«Մենք դեմ չենք բեղմնավոր բանակցություններին, սակայն դրանց արդյունքը պետք է լինի Թեհրանի դեմ պատժամիջոցների չեղարկումը: Իմաստ չկա բանակցել միայն հանուն բանակցելու»,- նշել է Ռաիսին: