կարևոր
1459 դիտում, 3 ամիս առաջ - 2024-01-18 13:37
Քաղաքական

Ֆրանսիայի Սենատի բանաձևի ընդունումից հետո Ադրբեջանը միտք ունի դադարեցնել տնտեսական հարաբերությունները Ֆրանսիայի հետ․ Քրիստինե Վարդանյան

Ֆրանսիայի Սենատի բանաձևի ընդունումից հետո Ադրբեջանը միտք ունի դադարեցնել տնտեսական հարաբերությունները Ֆրանսիայի հետ․ Քրիստինե Վարդանյան

Երեկ Ֆրանսիայի Սենատի` պաշտոնական Բաքվի դեմ պատժամիջոցներ սահմանելու վերաբերյալ ընդունված բանաձևին այսօր՝ բանաձևի ընդունումից ժամեր անց արձագանքել է Ադրբեջանի Միլլի մեջլիսը։ Այս մասին գրում է ՀՅԴ Հայաստանի ԳՄ հանրային կապերի գարսենյակի պատասխանատու, ՀՀ ԱԺ «Հայաստան» խմբակցության պատգամավոր Քրիստինե Վարդանյանը։

«Ադրբեջանի խորհրդարանի Արտաքին հարաբերությունների հանձնաժողովը հայտարարություն է ընդունել, որով կոչ է արել Ադրբեջանի կառավարությանը դադարեցնել տնտեսական հարաբերությունները Ֆրանսիայի հետ։

Բացի այդ առաջարկվել է «սառեցնել» Ադրբեջանում ֆրանսիացի պաշտոնյաների ցանկացած ակտիվ, եթե դրանք հայտնաբերվեն։

Առաջարկների թվում է նաև բոլոր ֆրանսիական ընկերությունների, այդ թվում՝ Total-ի, Ադրբեջանից դուրս բերելու հարցը, ինչպես նաև արգելել ֆրանսիական ընկերությունների մասնակցությունը պետպատվերների ծրագրերին։

Սա պարզ օրինակ է՝ ինչպես է խորհրդարանը՝ անգամ Ադրբեջանի պես բռանպետական երկրում մասնակցում երկրի արտաքին քաղաքական օրակարգերի սպասարկմանը, որտեղ հարկավոր է լրացնում անհրաժեշտ բաղադրիչները։

Մեր խորհրդարանի գործունեության վերջին 3 տարիների ընթացքում, չնայած ընդդիմության բոլոր ջանքերին, այդպես էլ չհաջողվեց որևէ հակահայ բանաձևի կամ հայտարարության ԱԺ մակարդակով պատասխան հնչեցնել։ Որովհետև հայաստանում հաստատվել է մեկ մարդու ամբողջատիրական իշխանություն և այդ մեկ մարդը Նիկոլ Փաշինյանն է»։