Էրդողանը կոչ է արել վերանայել Լոզանի պայմանագիրը

Թուրքիայի նախագահ Ռեջեփ Թայիփ Էրդողանը Հունաստան կատարած այցից մի քանի ժամ առաջ հարցազրույց է տվել հունական Skai հեռուստաալիքին և հայտարարել, որ Լոզանի խաղաղության պայմանագիրը թարմացման կարիք ունի. հայտնում է РИА Новости-ն:

Հունաստանի կառավարության պաշտոնական ներկայացուցիչն արդեն հայտարարել է Էրդողանի հարցազրույցի առնչությամբ «լուրջ մտավախությունների» մասին:

Լոզանի պայմանագիրը, ի թիվս այլ հարցերի, սահմաններ է հաստատում երկու երկրների միջև և սահմանում Էգեյան ծովում կղզիների նկատմամբ Հունաստանի իրավունքները:

Թուրքիայի նախագահը  չի պարզաբանել` ինչ փոփոխություններ է ձգտում իրականացնել, սակայն ասել է, որ որոշ կղզիների միջև հեռավորությունը «խնդրահարույց» է: