Ադրբեջանցիների 95%-ը ցանկանում է իմ վերադարձը Վրաստան. Միխեիլ Սահակաշվիլի

Հեռուստատեսային հարցումներում Վրաստանի՝ ադրբեջանական ծագմամբ  քաղաքացիների 95%-ը հայտարարել է, որ կտրականապես պահանջում է իմ վերադարձը Վրաստան, որ միայն իմ իշխանության օրոք էին իրենք ապրում հանգիստ, խաղաղ և վաղվա հանդեպ վախ չունեին. իր ֆեյսբուքյան էջում հայտնել է Վրաստանի նախկին նախագահ, այժմ Ուկրաինայի բարեփոխումների ազգային խորհրդի գործադիր կոմիտեի ղեկավար Միխեիլ Սահակաշվիլին:

Որպես իր հայտարարության ապացույց՝ Սահակաշվիլին ներկայացրել է ադրբեջանական ինտերնետային հեռուստատեսության`Մառնեուլի շրջանի Aktual TV-ի ռեպորտաժը․ Վրաստանի ադրբեջանցի քաղաքացիներից շատերը հայտարարում են, որ պաշտպանում են Սահակաշվիլիին իշխանության վերադարձնելու գաղափարը: