Վրաստանում կանցկացվեն Agile Spirit միջազգային զորավարժությունները. կմասնակցեն նաև Թուրքիան ու Ադրբեջանը

Agile Spirit-2021 միջազգային զորավարժությունները Վրաստանում կանցկացվեն հուլիսի 26-ից օգոստոսի 6-ը: Ուկրաինացի զինվորականները կմասնակցեն զորավարժություններին: Այդ մասին, ըստ «Ուկրինֆորմ»-ի, հայտնում է ԱՄՆ զինված ուժերի եվրոպական հրամանատարության կայքը:

Զորավարժություններին կմասնակցեն հետևյալ 15 դաշնակից և գործընկեր երկրները՝ ավելի քան 2,5 հազար զինծառայողներով՝ Վրաստան (հյուրընկալող), Էստոնիա, Գերմանիա, Լատվիա, Լիտվա, Լեհաստան, Ռումինիա, Իսպանիա, Թուրքիա, Ուկրաինա, Մեծ Բրիտանիա, ԱՄՆ, Կանադա, Իտալիա և Ադրբեջան:

Զորավարժություններն անցկացվելու են բրիգադի մակարդակով և նախատեսում են գումարտակների կազմում բազմազգ ստորաբաժանումների ընդհանուր վարժանքներ՝ մարտական կրակոցով: