Թուրքիան և Պակիստանը անցկացրել են «Աթաթուրք -2021» համատեղ զորավարժությունները

Թուրքիայի ու Պակիստանի զինված ուժերը «Աթաթուրք -2021» համատեղ զորավարժություններ են սկսել: Արարողությունն անցկացվել է Պակիստանի Խայբեր-Պախթունխվա նահանգի Թարբելա շրջանի ռազմաբազայում. հայտնում է Anadolu-ն:

Պակիստանի զինված ուժերի հրամանատարությունը հաղորդել է, որ երկու երկրների բանակների փոխգործակցության ամրապնդմանն ուղղված զորավարժությունները կշարունակվեն երեք շաբաթ:

Թուրք-պակիստանյան համատեղ զորավարժությունները երկրներից յուրաքանչյուրում հերթափոխով անցկացվում են 1998 թվականից՝ հատուկ նշանակության ստորաբաժանումների մասնակցությամբ: Թուրքիայում վարժանքները կոչվում են «Ջիիննահ», Պակիստանում՝ «Աթաթուրք»: