կարևոր
3067 դիտում, 1 տարի առաջ - 2023-02-14 11:54
Աշխարհ

Հայաստանի փոխարեն «Անխորտակելի եղբայրություն» զորավարժությունները կանցկացվեն Ղրղզստանում

Հայաստանի փոխարեն «Անխորտակելի եղբայրություն» զորավարժությունները կանցկացվեն Ղրղզստանում

ՀԱՊԿ «Անխորտակելի եղբայրություն» խաղաղապահ զորավարժությունները, որոնք նախապես նախատեսվում էր անցկացնել Հայաստանում, կանցկացվեն Ղրղզստանում. հայտնել են կազմակերպության միասնական շտաբում։

Հայաստանում պետք է անցկացվեին ՀԱՊԿ «Անխորտակելի եղբայրություն-2023» զորավարժությունները։ Սակայն հունվարի սկզբին Նիկոլ Փաշինյանը հայտարարեց, որ Երևանն այս զորավարժությունները չի անցկացնի։

Անցյալ տարի զորավարժությունները պետք է տեղի ունենային Ղրղզստանում, սակայն սկզբում դրա անցկացման ժամկետները հետաձգվեցին, իսկ հետո զորավարժությունները ամբողջությամբ չեղարկվեցին։

Վերջին անգամ «Անխորտակելի եղբայրություն» զորավարժություններն անցկացվել են Բելառուսում 2020 թվականին։