Այս պահին Երևանում sett-weather
Փոխարժեքներ 23 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 3 տարի առաջ - 2021-07-11 11:50
Արցախ

Արցախում կայացել է խոշոր ՏՏ կոնֆերանս. Արդշինբանկը 38 արցախցու տրամադրել է սերտիֆիկատներ՝ 3-ամսյա դասընթացների համար

Արցախում կայացել է խոշոր ՏՏ կոնֆերանս. Արդշինբանկը 38 արցախցու տրամադրել է սերտիֆիկատներ՝ 3-ամսյա դասընթացների համար
Արդշինբանկի ներկայացուցիչ, տնտեսագետ Հարություն Իսպիրյանը ներկայացրել է Արցախում կայացած ՏՏ խոշոր կոնֆերանսի մասին.
 
«Արցախում էինք 3 օրով: Մի քիչ մանրամասն ներկայացնեմ հավանաբար ձեզ հետաքրքրող հարցերի պատասխանները.
 
Մուտք Արցախ.
 
Անցնում ես 6 խաղաղապահների անցակետ մինչև Ստեփանակերտ: Յուրաքանչյուր կետում անձնագրերի և բեռնախցիկի ստուգում: Բավականին լավ է կազմակերպված գործընթացը, բայց իհարկե հաճելի չէ:
 
Ի՞նչ է կատարվում Արցախում:
 
Ստեփանակերտում պատերազմի հետևանքներ չես տեսնի, մարդիկ իրենց առօրեական հարցերով են, խանութներ, սրճարաններ, հարսանիքներ: Բայց դա միայն առաջին հայացքից: Զրույցների միջոցով պարզում ես, որ երկու հանգամանք շատ է տանջում արցախցուն: Կարծես միայնակ մնացած լինեն, և անորոշությունը խեղդում է: Անորոշությունը վաղվա օրվա հանդեպ:
 
Արդյո՞ք անվտանգ է ճանապարհը և շփման գծի հարակից համայնքներում:
 
Կարծես ամեն ինչ արված է և արվում է անվտանգության համար, մենք որևէ խնդիր չենք տեսել, զգացել, բայց հայտնվել ենք լրիվ այլ իրականությունում: Արցախում 100 կմ անցանք Ստեփանակերտ-Մարտունի-Ամարաս-Կարմիր Շուկա-Շոշ ճանապարհով: Թշնամու դիրքերը գտնվում են մեր բնակավայրերից մի քանի հարյուր մետրից մի քանի կիլոմետր հեռավորության վրա: Բոլոր համայնքներում արցախցին վերադարձել է իր բնակավայր, անցել իր գործերին, բայց անզեն աչքով ամեն օր տեսնում է թշնամու դիրքն ու դրոշները: Շուշիի մասին էլ չասեմ...
 
Թեք Վիք
 
Արցախում էր անցկացվում խոշոր ՏՏ կոնֆերանսը, որին մասնակցում էին հայկական գրեթե բոլոր հայտնի ՏՏ ընկերությունները: 1500 մասնակից, որից 400-ը ՀՀ-ից: 3 օր շարունակ մի քանի տասնյակ խոսնակներ զեկույցներ էին ներկայացնում իրենց ոլորտներից, ինչպես նաև մոտիվացնում արցախցի երիտասարդներին, որ տեղում մնալով մտնեն ՏՏ ոլորտ:
 
Ես նույնպես ներկայացնում էի զեկույց. բանկերի վրա տեխնոլոգիաների ազդեցության, ֆինտեխ ոլորտի զարգացման և այլ բացվող հնարավորությունների վերաբերյալ:
 
Արդշինբանկը նաև կոնֆերանսի աջակիցներից էր և մասնակից 38 արցախցու տրամադրեց սերտիֆիկատներ օնլայն հարթակում անցնելու ՏՏ ոլորտի ցանկացած դասընթաց 3 ամսվա ընթացքում: Հուսանք դա կլինի իրենց առաջին քայլը դեպի տեխնոլոգիաների աշխարհ:
 
Թեք Վիքը հաստատապես տրամադրություն փոխեց Արցախում:
 
Այսքանը.
 
Հ.Գ. Խնդրանքս իմ բոլոր ընկերներին. գնացեք Արցախ, ձեր արձակուրդի գոնե 3 օրն անցկացրեք չքնաղ Արցախում»:
 
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը